Neste libro reúnense 49 poemas (que en edicións posteriores chegarían a ser 50) onde o autor recorda a súa infancia na aldea na que naceu e llela ofrece aos cativos e cativas de hoxe para que coñezan o mundo daqueles tempos e saiban das súas orixes.
Desas lembranzas nacen poemas fermosísimos sobre Galicia, os seus homes e mulleres, a natureza viva, as ferramentas, os xoguetes, os animais, a muiñeira, as festas...
Se queres, podes atopar algúns destes poemas na súa versión musical, que foi realizada por artistas galegos como Suso Vaamonde, María Manuela, O Carro e Fuxan os Ventos. Seguro que se lles preguntas aos teus pais diranche que é a música dos seus tempos mozos.