convoca: Concello de Ames

contido e requisitos: poderán participar neste certame todas as persoas de calquera nacionalidade que presenten orixinais inéditos, de tema libre, escritos en lingua galega. Consta de dúas modalidades: narrativa e poesía. En cada unha delas establécense tres categorías, segundo a idade dos participantes: 1ª categoría (até os 14 anos); 2ª categoría (dos 14 aos 18 anos) e 3ª categoría (máis de 18 anos).
Os traballos presentaranse por cuadriplicado, en folios escritos a máquina por unha soa cara e a dobre espazo. Na modalidade de narrativa, a extensión mínima será de 2 páxinas e a máxima de 6 e na modalidade de poesía, a extensión mínima será de 20 versos e a máxima de 50. Só se admitirá un traballo por persoa en cada unha das modalidades. Os catro exemplares do texto presentado introduciranse nun sobre grande. No remite do sobre deberá figurar a modalidade na que participa, a categoría (1ª, 2ª ou 3ª) e o pseudónimo do autor ou autora, nunca o nome real. Estes mesmos datos deberán figurar en cada exemplar do traballo presentado. Para garantir o anonimato, os datos persoais (nome completo, enderezo e teléfono) introduciranse nun sobre pechado no que figure, por fóra, o pseudónimo e o título do traballo. Este sobre introducirase, xunto cos catro exemplares da obra, no sobre grande. A decisión do xurado anunciarase publicamente o venres 12 de maio de 2006 e os premios entregaranse o 17 de maio de 2006 nun acto público.

prazo: ata o 20 de abril de 2006

dotación:
1ª categoría (até os 14 anos)
1º premio: 120 €
2º premio: 90 €
3º premio: 60 €
2ª categoría (dos 14 aos 18 anos)
1º premio: 150 €
2º premio: 120 €
3º premio: 90 €
3ª categoría (máis de 18 anos)
1º premio: 210 €
2º premio: 150 €
3º premio: 120 €

informa:
Concello de Ames
Servizo de Normalización Lingüística
Praza do Concello, nº 2
15220 Ames. A Coruña
Telf. 981 803 002